قصة سندريلا

متجاوب 2023

مہجہرد إنہسہآن

طاقم الادارة
إنضم
27 أغسطس 2009
المشاركات
40,741
مستوى التفاعل
1,565
النقاط
113
الإقامة
الطفيلة الهاشمية
سندريلا

28639247327638953863.jpg


كان ياما كان
كان في بنوتة رقيقة وقمورة اسمها سندريلا الحبوبة

87646633329746247695.jpg


ورثت طباع جميله
من ام نادرة في الطيبة والاخلاق
واتنقل جمال روح مامتها اللي اتوفت
لجمال الشكل كمان


كان ليها اب طيب حنون اتجوز مرة تانية من ست يا ساتر
علي طباعها متعجرفة مسيطرة ومعاها بنتين نسخة كربونة منها

87090097901971134857.jpg


طبعا مع طباعهم الشرسة حصلهم غيرة من جمال السندريلا
وابتدت الام وبناتها يستغلوها في تنضيف البيت
وخدمة البنات
لكن البنوتة كانت ودودة ومن كل كائنات الكون محبوبة


لكن المسكينة حتي باباها مقدرش يعارض مراته
لانها كانت غنية
وهي اللي بتصرف علي البيت فكان بيشترك معاهم
ويقسو علي بنته سندريلا


وفي يوم خبط الباب وجه مرسال وفي ايده رسالة
دعوة من الامير مكتوب فيها انه عامل حفلة كبيرة
وان سعيدة الحظ اللي هتخطف الفؤاد هتصبح هي الاميرة


طبعا الدعوة جت عل هوي الاختين وابتدوا يفكروا
ويحكموا علي المسكينة انها تختار بذوقها الرفيع ليهم
اللي يليق عليهم ويحليهم

وبطيب خاطر اختارت بحب اجمل حاجة يلبسوها
وكمان عرضت عليهم تعملهم احلي تسريحة
وهي بتوضب فيهم سالوها بخبث ومكر

-ايه رايك يا سندريلا تيجي الحفلة معانا
ردت المسكينة: انتوا بتتريقوا عليا هو انا اقدر اروح حفلة زي دية
مسكتها مرات ابوها الشريرة وقالت
هو معقول تروح حفل كبيرة بهدومها القديمة


بعد مالبستهم ووضبتهم

وودعتهم بدموع في عينها
واحلام القصر جواها بتنده عليها

28639247327638953863.jpg


دموع السندريلا اثرت في الساحرة الطيوبة
وطبطبت عليها بحنان وقالت لها
نفسك تحضري الحفلة
ردت من بين دموعها
نفسي.. نفسي


قالتها الساحرة طيب روح هاتيلي من الجنينة حباية قرع
وفعلا سمعت الكلام
وجابت احلي حباية قرع
وحولتها الساحرة لعربية بديعة
وحولت عدد من الفيران والسحالي بعصاها السحرية
لخدم وحشم وخيول يجروها باجمل جميله

15765423290115870755.jpg


وبضربة بعصاها السحرية

حولتها الساحرة لاجمل حورية

واشترطت عليها مع دقات منتصف الليل
لازم تسيب الحفلة وترجع في غمضة عين
لانها لو قعدت دقيقة زيادة كل حاجة هتعود لاصلها
هترجع لفستانها البسيط والعربية لحبة القرع والخيل للفيران
والخدم للساحالي
ووعدتها سندريلا انها هتسيب الحفلة وقت الميعاد تمام
وركبت الاميرة اللي سحرها تعشقه العين




لمحها الامير
واتخطف قلبه معاها بسحرها
وهوكمان خلي اوتار قلبها
تتاثر بسحر نظرته لها

44057534672242540209.gif


وطبعا الكل بقي يقول مين تطلع الجميلة


والغيرة اكلت الاختين اللي قلوبهم شريرة

واتقدم الامير وانحني بهيام ومسك ايد الجميلة

02102840197748692489.jpg


ورقص معاها علي نغم الالحان

واخدها معاه لعالم كله سحر وخيال

92930866945952261331.gif


وسمعت سندريلا وهي في دنيا الخيال دقات الساعة 12
وجريت من الامير ومع لخبطتها وقعت منها فردة جزمتها


وحزن الامير وفضل يدور علي الاميرة


وامر الحراس بالبحث عن صاحبة الحذاء
لف الحراس علي بنات البلد لكن الحذاء كان اصغر من اي مقاس
ووصل الحارس لبيت ست الحسن والجمال
استقبلوه الثلاثي المرح وطبعا مكانش ينفع تكون الرجل علي اد المقاس


وسال الحارس لو فيه حد تاني موجود معاهم
قالولوا فيه بنت غلبانة مش ممكن يكون ملكها
اصر الحارس لانها اوامر من الامير ان الكل لازم يجرب المقاس
وندهوا عليها بلهجة فيها ضحك وهمز وتريقة

وجرب الحارس الحذاء اللي كان علي مقاس السندريلا تمام

44121065187284427800.jpg


وراحت لبست الفردة التانية كمان
وبضربة سحرية من الساحرة الطيوبة اتحولت البنوتة الخنوعة
لاجمل عروسة

واتعرفوا عليها الاختين وطلبوا منها السماح
قربت منهم السندريلا وقالتلهم انها بتحبهم ومن جوة القلب مسامحاهم
واتقابلت السندريلا مع الامير وكانت في عنيه اجمل الجميلات
وخطفها لبدء حياة تجمع بينهم وتكون سعيدة

57447861789323970043.jpg


وتوته توته خلصت الحدوته

58442301962263898178.gif
 
إنضم
3 ديسمبر 2010
المشاركات
21,638
مستوى التفاعل
623
النقاط
0
الإقامة
في صقـرـر الجنوـوـوب
قصهـ في قمهـ الخيـآآآل

الله يعيطك الف عافيه وما

نننحرم من جديدك المميز

ننتظر جديدك المشوووق

ودي لك ~
 

متجاوب 2023

متجاوب 2023

أعلى