ينسى ويحسب اني نسيته

ينسى.. ويحسـب انـي نسيتـه ..
الحب الأول .. صعب ((نسيان)) راعيـه ..
عانيت في بعده كثـر .. مـا هويتـه ..
لا احتلت في ((قربه)) .. ((ولا نيب ناسيـه)) ..
لو إني أقـدر جيتـه .. كـان جيتـه ..
اللي بقوله آآآآه ويلي علـى أجيـه ..
بس البلا أني كلمـا جيـت بيتـه ..
أخذ ثلاث أيام مدري (شنـا) فيـه .!
ليل .. ونهـار .. وليـل .. واللـي قفيتـه ..
وأنا مابين أسمه .. ورقمـه .. وطاريـه ..
الله عطاني مـن غـلاه .. وعطيتـه ..
((وغيره)) بغى مني ..((ولانيـب معطيـه)) ..
قالوا :هويتـه قلـت : أأيـه هويتـه ..
قالوا: تركتـه قلـت :مانـي مخليـه ..
له "منزل" في وسط روحـي .. بنيتـه ..
جدرانه ضلوعي .. وهو ساكنٍ فيـه ..
دورت له بيـن الضلـوع .. ولقيتـه
خلف الضلوع .. يبين(ماطى) خطاويه ..
واليوم لا أحتجت اللقـا ..ماأحتريتـه ..
حتى ثره من بين الأضلاع .. ما حيه ..
ياجعل يسقـى عادنـي لا بغيتـه
يغفى على ضلعين صدري وأصحيه .!
((ما فيه شخص في حياتـي بكيتـه)) ..
إلا الذي قد مـات .. مانيـب راجيـه ..
لكـن هـو حـي .. ومـع ذا ((رثيتـه)) ..
من قلبي اللي .. أحسـن الله تعازيـه ..
حملـت قلبـي بالهمـوم .. ورجيتـه ..
كني ما عرف .. إلا غيابـه وأحاتيـه ..
أقـول : ((بنسـى)) .. وأثرنـي ((مانسيتـه))..
((الحب الأول)) صعب نسيان راعيـه ..

أقـول : ((بنسـى)) .. وأثرنـي ((مانسيتـه))..
((الحب الأول)) صعب نسيان راعيـه ..

/
نزف راقي بكل المقايس
ربي يعطيكِ العافيه
بإنتظار جديدكِ بكل شوق
دمتي بخير وعافيه بحجم الكون

((ما فيه شخص في حياتـي بكيتـه)) ..
إلا الذي قد مـات .. مانيـب راجيـه ..
لكـن هـو حـي .. ومـع ذا ((رثيتـه)) ..
من قلبي اللي .. أحسـن الله تعازيـه ..
حملـت قلبـي بالهمـوم .. ورجيتـه ..
كني ما عرف .. إلا غيابـه وأحاتيـه ..
أقـول : ((بنسـى)) .. وأثرنـي ((مانسيتـه))..
((الحب الأول)) صعب نسيان راعيـه ..

(الألم الذب ينخر جسد الذاكرة بعمق, أن من تكابد نسيانه في صدرك مقيم, كل الاخرين عابرين الاه )
راااااااااااااااااااااائعة بكل المقاييس فعلا كلمات هائلة نظم موزون فكرة جميلة احساس عميق ابدعتي وفقك الله وجد جد جد حابة كتييييير أقرأ شي الك عن قريب ممتاز

ربي يعطيك ألف عآفية
أتمنى لك سعآدة بحجم ألكون
تحيآتي ألخآلصة لكِ