مسرحية السلامة على الطريق

متجاوب 2023

سوار

طاقم الادارة
إنضم
22 مايو 2011
المشاركات
10,077
مستوى التفاعل
151
النقاط
63
الإقامة
عمّان عاصمة الحب
مسرحية السلامة على الطريق
باللغة العامية


المشهد الاول: في المنزل
الام تجلس تستمع الى الراديو وتدندن باغنية تقليدية- الابن يسمع جرس المنبه ويستيقظ بسرعة
علي: يالله ماه انا ساير
الام : على وين ياولدي صبر شوي شربلك كوب شاهي
علي: ما اقدر ياامي متاخر البارحة سهران عند التلفزيون وقمت متاخر تو اخاف اتاخر زيادة ع الدوام
الام : انزين يا ولدي شوي شوي لا تسرع
علي: ايه ماه انا كبير مطلعنه الليسن عاد

المشهد الثاني : في الشارع
- ياربي ايش هالزحمة في الطريق انا وحدي متاخر...احسن اتصل لربيعي بدل ما اضيع وقتي فهالزحمة

هلو....سعدون بو كشة اخبارك ايش علومك ... كيف شفته الفلم الهندي البارحة عاد ما فلم بصراحة....شفته ذاك البطل يوم صفعهم بوكوسات لين جتلهم....
ايش هالزحمة أحسن أتجاوز.....وابوي شاحنة شاحنة
ويصطدم علي بالشاحنة ويقع مغمى عليه...وتأتي الاسعاف لحمله
...

الام لازالت تستمع للراديو....وفجأة يأتي اتصال هاتفي
_ ايش هالحالة هلكوني هالشباب من كثر ما يتصلو..يبوي انا كبر حبوتكم ايش باغيلي....أباني ما أرد عليكم

ويتكرر الاتصال
_ ما برد ما برد

ويتكرر الاتصال
_صدعتوني...انزين خلاص انزين

الدكتور: _ ألو هذا منزل علي العاصمي
الام: _ شوف انته لو متصل تسولف ترا مافاضية حالك
الدكتور :_ الوالدة بس بغيت اخبرج ان ولدج سوى حادث وهو تو معانا في المستفى
الام : _ وافقري متى وهين وكيف ..انزين كيف السيارة تعورت ولا؟
الدكتور: _ الوالدة لازم تحضري المستشفى معانا الحين
الام:_ انشالله انشالله جاية...مسكين ولدي حبيبي

وتصل الى المستشفى
_ هينك يا ولدي...هينك ياقرة عيني... هينك يا......
هذا ولدي....لا مستحيل مستحيل يكون ولدي....ولدي ماحيد طالع منه دم ....ولدي كانت دشداشته نظيفة....رجعولي ولدي قبل لا اتصل وأخبر عليكم الشرطة رجعولي ولدي
الدكتور:_ هدي هدي يالوالدة
الأم:_ قوم عني انتو الدكاترة ماتفهمو شي جيبوه بشله عند بوعبيد بيهبره وبيسويله ذاك الدوا الغاوي

الدكتور:_ يالوالدة ولدك خلاص مات ألحين ما ينفع الكلام
الام:_ ايش ما ينفع الكلام أكيد ضربتوه ابرة سم عشان كذيه مات

ويأتي رجل من الشرطة
_ لا يالوالدة ولدك أصيب بحادث نتيجة تهوره في السياقة
_ من تهوره هذي بعد
_ يالوالدة حسب تقاريرنا المرورية ولدك كان يسرع سرعة غير قانونية ....
_ ايش كان يسرع مسكين يبا يواحي ع الشغل
_ هذا عذر غير مقبول...ولدك كان يسرع وما كان رابط حزام وفوق كذا كان يتكلم ف الهاتف اثناء السياقة فما انتبه ع الشارع قدامه...
_ ايش يعني باغينه ما يتكلم ف التلفون وما يشري بطاقات؟؟؟....
_ يالوالدة قوانين القيادة تحتم ع السائق انه ينتبه اثناء القيادة ويسوق بسرعة معقولة وما يلتهي باي شي ثاني
_ واعلي على ولدي مسكين....رجعولي اياه واوعدكم يلتزم بكل هالاشياء
الدكتور: للاسف فات الاوان
_ رجعولي ولدي

ويتم حمل الولد خارجا

المشهد الرابع : في المنزل
وتاتي النساء لتعزية الام
_ يحسن الله عزاج
_ واعلي على ولدي
_ هدي هدي يالوالدة الله عطاك امانة وخذاها منك
_ ما أقول غير لا حول ولا قوة الا بالله
_ لا اله الا الله محمد رسول الله
_ مسكين يا ولدي ...ربيتك وكبرتك ورحت ف غمضة عين...السيارة شارنها تقضيبها حوايجك وانت قتلت عمرك بيها...الى متى هالحال يا ناس الى متى...الى متى بنظل نفقد اولادنا ف هالحوادث...الى متى بنظل جاهلين ما نعرف الصح من الغلط...الى متى بنظل نتهور ...نسرع...نتجاهل ان ارواحنا في يدنا لما نسوق...الى منى بنذرف هالدموع...نحزن على غلطة طريق...والغلطة ماهي سهلة...الغلطة تبكي الالاف وتقتل الالاف...الى متى بس الى متى...
 

همسآت شرقية

طاقم الادارة
إنضم
1 فبراير 2013
المشاركات
17,361
مستوى التفاعل
264
النقاط
63
الإقامة
المفرق


بارك الله فيك
 

متجاوب 2023

متجاوب 2023

أعلى