قصة قبل النوم عقلة الاصيع

ما يحلى الكلام الا بذكر النبى عليه الصلاة والسلام


كان فى حطاب فقير ومراته زعلانين علشان معندهمش أطفال وفى يوم قال الرجل: انا هكون سعيد لو عندى

طفل حتى لو كان فى حجم عقلة الأصبع - وربنا استجاب للرجل الحطاب ورزقه هو ومراته بطفل صغير - كان

حجمه غريب وصغير فسموه عقلة الأصبع وحبوه كتير - وكان عقلة الأصبع بيكبر بس كان حجمه بردو صغير -

وفي يوم من الأيام راح عقلة الإصبع مع الحصان علشان يجيب باباه من الشغل وقعد بين ودان الحصان - وشاف

صاحب السيرك الحصان وكان عايز يشتريه ولما شاف عقلة الإصبع فكر يشتريه بدل الحصان - وهيدفع تمنه

كيس كبير مليان ذهب - لكن بابا عقلة الإصبع رفض انه يبيع ابنه الوحيد - ولكن عقلة الإصبع قال له: انا عايزك

تبيعني للسيرك يا بابا ومتقلقش انا هرجع البيت قريب - وبعد ايام - هرب عقلة الإصبع من السيرك - وهو راجع

للبيت تعب ونام على كومة من القش فأكله الثور - ومن جوة معدة الثور كان عقلة الإصبع ينادي:"الحقونى ..

خرجوني من هنا" خاف الثور - وسمع واحد من الفلاحين صوت عقلة الإصبع فخاف وقتل الثور ورمي معدته فى

الغابة - وبعد كدا جة ذئب جعان واكل المعدة - ناداه عقلة الإصبع من جوة المعدة - وقال: يا ذئب - أنا اعرف

مكان فيه طعام ألذ - واخد عقلة الإصبع الذئب لبيته ونادى باباه ومامته فقتل الأب الذئب وخرج عقلة الإصبع

وكان سعيد جدا انه رجع بيته.

وتوتة توتة خلصت الحدوتة حلوة ولا ملتوتة

تصحبوا على خير يا كتاكيت

كل الشكر و التقدير لك

شكرا لمرورك وتشريفك موضوعي
محبتي