دنياك لو تسوى من الحِزن ذرّه

[shr71=http://up.graaam.com/img/9aa7345f0ddfa017ac287fc8016c727e.gif]null[/shr71]

لآضاق صدرك عالي الصوت جره
لو كان قلبك ما يطاوعك مسرور
**
دنياك لو تسوى من الحِزن ذرّه
ما كان أخرها توابيت وقبور
**
وما كان للكافر بعمره مسره
وما شفت في ملكه ملايين وقصور
**
العمر يمضي بين حلوه ومره
والموت حق وقابض الروح مأمور
**
دام الحياه الفانية مستقره
ورزقك يجيك وبين الأجواد مستور
**
لا تنشغل بالوقت برده وحره
واحذر تصير بقسمة الناس مقهور
**
وحكم القدر لاجاك خيره وشره
أشكر عظيم الشان والذنب مغفور
**
والمجلس اللي يزعجك لا تمره
خله تراك بشوفته منت مجبور
**
والرجل سقها في صحاصيح بره
ومد النظر مابين ريضان وزهور
**
لا صار وجه القاع ما فيه جره
والمشي حافي والثرى تو ممطور
**
ساعات صمتٍ ما وراها مضره
تسوى الكلام اللي به إذنوب وإشرور
**
أطلق خيالك وأترك النفس حره
وخل الطبيعه في حياتك لها دور
**
وبالليل لا بانت نجوم المجّره
أذكر بديع الخلق بـِ إحـساس وشعور
**
واسجد لرب الكُون مره ومره
وإحفظ لسانك وأترك الكذب والزور
**
وفروض ربك خلها مستمره
وطاعتك لا يدخل بها نقص وقصور

محمد بن فطيس المري[/CENTER]

قصيدة جميلة للشاعر المميز ابن فطيس

ذوووق رائع في الانتقاء

سعدت بالتواجد هنا

تحيتي لك

والمجلس اللي يزعجك لا تمره
خله تراك بشوفته منت مجبور


كلااااااااام عظيم,,تسلمي غلاتي :*

حياكم الله يا غاليين
لا حرمني ربي وجودكم الراقي كسموكم

حياك الله دوما جنون العاطفة
لك مودتي وتقديري الدائمين

وحكم القدر لاجاك خيره وشره
أشكر عظيم الشان والذنب مغفور

رووووعه

تسلم الايادي يا غاليه

نور & فرحة
آدخل الله السرور لأرواحكن الطيبة
محبتي