سوار
طاقم الادارة
ياعيال ماسرحتكم باللواهيب
الْقِصَّه هَذِي قُدُيُمُه لَهَا حَوْل 100 سِنِّه وَيُمْكِن اكْثَر ، حَصَلَت لِرَجُل مِن الْجَوْف ( مَنْطِقِه شَمَال الْسُعُوُدِيِه ) .
هَالْرَجَال اسْمُه جُحَيْش بْن مَهَاوِش الْهَشَّال السَرْحَانِي مِن الْسَّرَاحِيْن أَهْل الْجَوْف ..
.... فَعِنْدَمَا كَبُر سِنُّه وَعَجَز عَن كَسَب رِزْقَه ... اخَذ كُل وَاحِد مِن ابْنَاءَه زَوْجَتِه وَتَرَكَه ....وَالقُصّه يَذْكُرْهَا الْشَّاعِر مُنْذ الْبِدَايَه وَكَيْف رَبَّاهُم وَشَقِي وَتَعَب لْمَعِيشَتِهُم حَيْث مَاتَت زَوْجَتُه وَعِيَالِه صِغَار وَصَار هُو الْأُم وَهُو الْأَب لَهُم وَلَم يَتَزَوَّج لِئَلَّا تُضايِقُهُم الْزَّوْجَه الْجَدِيّدَه هَذِه الْقَصِيدَة لِلْشَّاعِر جُحَيْش السَرْحَانِي وَالَّتِي قَالَهَا بَعْد عُقُوْق اوْلَادِه لَه
كَمَا نَسْأَل الْلَّه سُبْحَانَه وَتَعَالَي لَنَا وَلَكُم وَلِجَمِيْع الْمُسْلِمِيْن الذُّرِّيَّة الْصَّالِحَة .
قال الذى يقرأ بليا مكاتـيب ..... يللى تلومون العمى من عناكم
ياعيال ياللى تشرفون المراقيب ..... تريثوا لى واقصروا من خطاكم
خوذوا كلام العود مابه تكاذيب . ..... مثل السند مظلوم للى وراكم
ياعيال لاصرتو ضيوف او معازيب .... ترى الكلام الزين ملحة قراكم
ترى النمامه من كبار العذاريب ...... وهرج البلايس مايطول لحاكم
المذهب المذهب ترى المذهب الطيب .... ترا ردا المذهب يبور نساكم
ياعيال ماسرحتكم باللواهيب ...... ياعيال ماعمر المعزب ولاكم
ياعيال ماعذبتكم بالمشاعيب ...... ولاسمعوا الجيران لجة بكاكم
ياماتوليت الخلايق تقل ذيب ..... من خوفتى يقصر عليكم عشاكم
احميت رجلينى بحامى اللواهيب ... وخليت لحم الريم يخالط عشاكم
واليوم هذى لحيتى كلها شيب ..... وهذا مكان تويضعى فى ذراكم
ياعيال بعتونى بصفر العراقيب ..... ماهى حقوقى سود الله قراكم
قمت اتوكا فوق عوج المطاليب .. وقصرت خطانا يوم طالت خطاكم
ياعيال من حقى عليكم مطاليب ..... عطونى القرضه جزاء ماوتاكم
المنسب الطيب على المنسب الطيب .. المنسب الطيب يزكى خفاكم
خوالكم بالطيب تروى المغاليب .. ياعيال مدرى هالرداء منين جاكم
ياعلكم فى حاميات اللواهيب ..... ياللى على الوالد كثير لغاكم
قصيتكم واسميت وادى سلاحيب .. لقيت بالصبخاء مدافيق ماكم
الناس تدرى بالردى والمعاييب ..... لاقبل حديكم قيل جاكم بلاكم
مانى بفاضحكم بوسط الاجانيب ..... بفعالكم يدرون كل اقرباكم
وش علمكم ياتاركين المواجيب ..... لو تتبعون الجد محد شناكم
شفت الجفاء والحيف والغلب والريب .. اهبو هبيتو ابدد الله نماكم
عسى نساكم ماتولد ولاتجيب ...... تغيب شمس الصبح ويظلم سماكم
صيور ماهو عاويين بيننا الذيب ...... وبالقبر ماسمع طيبكم من رداكم
وَاسْتَجَاب الْمَوْلَى لدُعَاءَه ..وَحَرَّم الْلَّه عِيَالِه مِن نِعْمَة الْعِيَال .
صَارُوْا يَتَزَوَّجُون أَكْثَر مِن مُرِّه يَبُوْن الْظَّنَّا وَمايَكُتّب الْلَّه لَهُم شَي .
مَاتُوْا مَا خُلِّفُوْا !
الْلَّه يُكَافِيْنا شَر دَعْوَة الْمَظْلُوْم
