كنت اظني نسيتك

[إيمـ حرف منسي ــــان]

​

تبرد الشمس وتغيب ويعم الظلام
. . . . . ويشرق الشوق في صدري على ارض الحبيب​

واحجب الحزن عن قلبي بقل الكلام
. . . . . . . . . واذكر اللي مضى لي بكل عشق وطيب​

ياحبيب الليالي .. لك كثير السلام
. . . . . . . . . ذا محلك .. محلك .. يالبعيد القريب​

هجرك اليوم ما بقى بقلبي ملام
. . . . . . . . . ما الومك .. ولا ألوم الهوى والنصيب​

طرت من بين كفي مع نسيم الغرام
. . . . . . . . . وما لحقت امسك الا عبرتي والنحيب​

غيّبك عن عيوني دمعتين وغمام
. . . . . . . . . مااشوف الملا حولي وكني غريب​

أتحرى رجوعك منتظر فالزحام
. . . . . . . . . وراح عمري ولا احس ان غيرك يغيب ​

... صاين عهدنا اللي كان من كم عام
. . . . . . . . . شايل جرحك بصدري عسى ما يطيب​

جرحك اللي الا طرّوك شق اللثام
. . . . . . . . . يشتعل لا انتثر من سيرتك ريح طيب​

ينتشي بي حنين وشوق لك وابتسام
. . . . . . . . . كنت اظني نسيتك .. واثر ظني يخيب !​

ياحبيبي عسى بعدي جروحك تنام !
. . . . . . . . . عل لا هل حزني ينطفي بك لهيب !​

عل لا جيت في بالك في ليلة عتام
. . . . . . . . . تذكر اللي مضى لي .. بكل عشق وطيب​

 

[๗ஜĵúMåЙắஜ๗]

ياحبيبي عسى بعدي جروحك تنام !
. . . . . . . . . عل لا هل حزني ينطفي بك لهيب !​

كلمات في قمة الروووعة
ابدعتي غاليتي ورق ..
كل الشكر على ما أضفتي هنا ..~
​

 

[إيمـ حرف منسي ــــان]

مشكور اختي الغالية على مرورك الراقي