وانت معي تفكر بغيري

[الورده النقية]

مشكور ما بي منك حب ولا شوق



نفسي عزيزه ما تطيق الخشيري

ما طيق حب لي معي فيه مخلوق



حب بدا مغشوش ما فيه خيري

ما ابيه ما دامه بعيد عن الذوق



الغش ما يبقى و حبله قصيري

لو طال ثوبك منه تلقا به فتوق



ارخص غرامك و المقدر يصيري

يغنيني الله عنك وابعد عن العوق



ردك علي يكمن يحدد مصيري

ابي الحقيقة منك في عهد موثوق



اما استمر وياك والا استخيري

طير الهوى لو طار لا بد ملحوق



اشقيتني اتعبتني يالشطيري

خليت باب القلب لرضاك مدلوق



والا انت ما يغليك مثلي عشيري

واللي بسط سبع و سبع بعد فوق



حبك تملكني ولا لي مطيري

تلقا بقلبي لك بساتين و عذوق



اغليك يالغالي و تسوى نظيري

لا تترك فؤادي من الوجد محروق



لو كل من عاشر يحب بضميري

يا كان للعشاق .. ما ضاعت حقوق

​

 

[Bashar S Sawalgah]

لو كل من عاشر يحب بضميري



يا كان للعشاق .. ما ضاعت حقوق

 

[إيمـ حرف منسي ــــان]

ما طيق حب لي معي فيه مخلوق



حب بدا مغشوش ما فيه خيري
كثير حلو المعني يسلموا اختي

 

[علمتني الحياة]

حب بدا مغشوش ما فيه خيري

ما ابيه ما دامه بعيد عن الذوق



الغش ما يبقى و حبله قصيري

لو طال ثوبك منه تلقا به فتوق


جميل كثير ابدعتي

 

[๗ஜĵúMåЙắஜ๗]

ما طيق حب لي معي فيه مخلوق

تسلم ايدك على الطرح الجميل ..
راقت لي كلماتك ..~

 

[الورده النقية]

وجـــــودكم زاد جمال المـوضوع

لا عدمنــــــا ..
​