غآآآليهـ وأتغلآ
عضو قوي
لـي مـرت الأيـام وتزايـد الخـوف
شـب الجمـر زاد اللظـا فـي خفوقـي
باللـه يـا وقـت العنـا عجـل وطـوف
متـره المولـع مـ الولـه مـا يشوفـي
خذنـي تمهـل يـا زمـن بيـّه وروف
انـا دخيـل اللـه تجبـر ظروفـي
ابغـي اخفـف عبـرة(ن) داخـل اليـوف
لـا جيـت بحكـي مـا تساعـف حروفـي
تاهـت بـي الخطـوات واعـذار الظـروف
ضاعـت علـى جسـر الرجـاوي هتوفـي
حاولـت اخفـي دمعتـي صـرت مكشـوف
خانـت بيّـه دقـات قلبـي الرجوفـي
توعدنيـه وتقـول اصبـر وبتشـوف
سامـح حبيبـك دام قلبـك عطوفـي
بسألـك اذا مـا فيـه احـراج وكلـوف
ويـن الـذي عقـب الصبـر لـي بيوفـي
لـا بـاس يـا مـن صـار لـي قاسـي وعـوف
الشمـس تشـرق بعـد ظلـم الكسوفـي
مـا دام غيـر اللـه والباقـي ضيـوف
وانـا لغيـر اللـه مـا ارفـع كفوفـي
