http://forums.fatakat.com/thread1142511
نصايح عامة
حاولى فى فترة الصبح و إنتى بتبصى فى المرايا يكون شكل عينيكى هادى , و خصوصا لو كنتى بتشتغلى أو بتروحى الجامعة ,
فمثلا مفيش داعى إنك تحطى قلم كحل أسود أو ماسكرا قوية أو تحطى ألوان آى شادو صارخة و جامدة .خاللى دايما وشك مشرق , حطى الألوان الهادية فى الشفايف
زى الجلوس اللايت و بلاش ألوان روج , و فى الخد حطى ألوان أحمر خدود من غير جليتر أو لمعة واضحة , و لكن ميلى للألوان المت اللى مش بتلمع حتى لو ماكانتش موضة , لأن مش كل موضة تناسبناكبنات مصريات فى مجتمعنا الشرقى .
كونى متألقة ليلا , فمثلا لو كان عندك سهرة أو عزومة فى مناسبة لازم يكون شكلك مختلف فى المكياج , إستخدمى كل ما يبرز جمال وشك وعينيكى و مفيش مشكلة لو زودتى المكياج شوية .
مرايتك النفسية
فى ناس بيقولوا إن ألوان العين بتوضح شخصيتك و ستايلك , يعنى مثلا لون العين الخضرا او الزرقا بتحب بتحط مكياج كتير و واضح , أما لون العين البنى او العسلى فبتحب المكياج الخفيف والهادى , وطبعا الكلام ده مش حقيقى لأن نظرة العين هى اللى بتقول إنتى مين , فخدى بالك لأن الناس ممكن تعرف إنتى مين من طريقة نظرتك للأشياء أو الأشخاص , فكونى دايما حذرة لأن عينيكى هى مرايتك النفسية أدام الناس.
الاهتمام بصحة العين
للأسف كل البنات بتهمل منطقة العين و بتنسى تهتم بيها نهائيا وده بيؤدى لظهور التجاعيد بدرى بداية من سن 26 و أكتر .
فأنا بنصحك لو رسمتى عينيكى و عايزة تشيلى منها الماسكرا والكحل استعملى مزيل مكياج ضد الحساسية , حتى لو حاطه مكياج تقيل هيتمسح معاكى بمنتهى النعومة , و ممكن تلاقيه فى الصيدليات الكبيرة أو المحلات المتخصصة فى بيع المكياج و الكريمات.
حاولى تعملى عملية ترطيب دورية بسيطة لعينيك , بعد إجهاد يوم طويل و كنتى حاطة مكياج طول النهار , زى زيت اللوز ,كمادات الشاى, شرايح الخيار أو البطاطس , حوالى مرتين فى الاسبوع وكل ده بيساعد على تلطيف منطقة تحت العين , و بيخلى دايما المكياج علي البشرة يظهر فى أجمل صورة.
خاللى بالك من طريقة توزيع أى مكياج للعين زى الكونسيلر(مصحح زى كريم الاساس) أو وضع القلم , لازم تكون بطريقة معينة باتجاه واحد ومن غير ماتشدى الجفن لبره عشان ترسمى القلم , أما الكونسيلر فلازم تحطيه على إيدك الأول و بعدين على محيط العين و إفرديه من جوه العين لبره.
استعملى الكونسيلر تحت العين بشكل يومى , حتى من غير ما تحطى مكياج كامل و ده عشان يدى إضاءة عين و يخفى أى ارهاق
موجود فيها , و لازم يكون من الانواع الجيدة عشان دى منطقة حساسة جدا زى مانتى عارفة , وبتتاثر بأى حاجة , وكمان لما تيجى تشترى أى مستحضرات تجميل يفضل تجربيها على وشك علطول مش علىايدك .
ادوات المكياج الاساسية
عشان تكملى جمالك اكيد كل واحدة فينا عندها فرش و ادوات للمكياج و مش بتعرف تستخدمها , انا حقولك على الفرش الاساسية وانتى هاتى اللى ناقصك و ماتكونش عندك :
· سفنجة كريم اساس
· بدّارة بودرة
· فرشاة كبيرة احمر خدود
· فرشاة صغيرة الروج
· فرشاة بسفنجة صغيرة الآى شادو
· فرشاة تسريح الحواجب
· فرشاة صغيرة مخصصة لوضع البودر فى الحواجب
انواع مكياج العين
الآى شادو
انواع من الآى شادو او ظل الجفون مختلفة زى (البودر و المضغوط)
و الجليتر (الجل و البودر ) و الكريمى و المائى .
بالنسبة الآى شادو للبودر و المضغوط الاثنين ممكن يتحطوا على العين من غير ما نحط كريم اساس ولا بودر تحتيه , و ده بيبقى اسهل نوع فيهم وممكن يستعمل الصبح و بالليل , و موجود فى جميع الماركات , بس احسن الانواع فلوريل و بوبا و بورجوا
اما الآىشادو الجليتر بيكون عبارة عن حبيبات بتلمع بتتحط علي الآىشادو الماط عشان
تدى لمعة قوية على العين او الروج , وطبعا اللوك ده مينفعش فى النهار لازم يكون بالليل و فى سهرة , و موجود فى ماركة فلوريل و بيير كاردان و كريولان و بوبا .
اما الآىشادو الكريمى ممكن تحطيه على الجفن علطول من غير اساس او شادو و سهل الاستعمال وكمان بيكون خفيف ولايت , و هتلاقيه موجود فى ماركة مافالا و فلوريل .
الآى شادو المائى بيبقى عبارة عن آى شادو كريمى و بيتحط عليه نقطين ميه و بفرشاة صغيرة نحط اللون فوق الجفن او تحت الحاجب , وفيه منه الوان كتير . و موجود فى ماركة كريولان .
قلم الكحل
اقلام العين مختلفة فى منها الخشب التخين والرفيع و معاه البرايه بتاعته , وكمان البلاستيك اللى بيلف عشان يطلع من الانبوبة ,
و قلم الكحل بيستعمل جوه و برة العين و بيكون الوانه مختلفة زى الاسود و الاخضر و الازرق و الموف و ده موجود فى ماركة فلوريل .
الماسكرا
الماسكرا لازم تستخدميها باستمرار كل مرة هتحطى فيها مكياج , عشان كدة لازم تكون ماسكرا حلوة , وفى منها نوعين نوع للتطويل و نوع للتكثيف و كمان فى منها اللى ضد الماء و بتثبت جدا .
واحسن الانواع هتلاقيها فى ماركة ريميل و ميلانى و مدينة و فلوريل .
واللى رموشها ثقيلة و قصيرة تستعمل ماسكرا للتطويل ,
واللى رموشها طويلة وخفيفة تستخدم ماسكرا للتكثيف .
الآى لاينر
الآى لاينر بيظهر شكل العين حلو جدا و بالذات العين الصغيرة عشان بيوسعها اكتر , و بيتحط على الجفن فوق خط الرموش وتحت الجفن السفلى بشكل واضح , اما العين الواسعة فبيتحط من فوق العين فقط , وبيستعمل كمان فى رسمة السموكى لانه بيثبت الرسمة
جدا على العين لمدة طويلة , وفى منه الاسود والاخضر الغامق والكحلى و الموف الغامق وهتلاقيه فى كل الماركات تقريبا زى فلوريل و سارة و مافالا .
قلم الحواجب
كمان قلم الحواجب او البودر المخصصة للحواجب بالالوان الاساسية
زى البنى الفاتح والغامق او الاسود بتكمل شكل العين و الوش كله ولازم الحاجب يكون مرتبط بلون العين و الشعر و البشرة , يعنى مثلا بنت بشرتها بيضا ولون عينيها فاتحة يكون لون حواجبها بنى فاتح ,
واللى بشرتها خمرية زى معظم البنات المصرية تكون حواجبها غامقة , اما اللى لون بشرتها بيميل للسمار فبنفضل لون الحواجب يكون بنى غامق او اسود , وممكن تلاقى الاقلام فى ماركة بورجوا و مافالا و فلوريل و جوردانا .
و فى معلومة يمكن كلنا بنسمع عنها وهى ان القلم بيوقع شعر الحواجب و الكلام ده مش صحيح و الا ماكانتش الشركات العالمية زى ايف سان لوران و كريستيان ديور و تعمل اقلام مخصصة للحواجب , لكن احنا لازم نستعمل القلم بطريقة الورب او الجنب جوه شعر الحاجب , و نسرح بالفرشاة اللى فى نهاية القلم ونسيح بها اللون .
اما بالنسبة لبودر الحواجب ففى منها نوعين بودر عادى و مائى , و الاسهل ليكى هى البودر العادى عشان بتتحط زى الآىشادو بفرشاة صغيرة مخصصة للحواجب , لكن البودر المائى لازم متخصصين فى التجميل لانها محتاجة دقة و خبرة .
مشاكل مكياج العين: من اهم مشاكل اللى بتقابل البنت وهى بتحط مكياج العين :
عدم ثبات الكحل
و ده راجع ان اختيارنا الغلط لقلم الكحل , لازم نستعمل نوع فى الصيف و نوع فى الشتاء , لان سخونة الجو تستدعى استعمال كحل ضد الماء , اما فى الشتاء فلازم يبقى الكحل ملمسه طرى و ناعم على العين , وفى معلومة خاطئة بتقول ان لو سخنت قلم الكحل قبل الاستعمال يثبت جدا , وده غلط لانه بيسيح اكتر , بل يستحسن ان احنا نحط اقلام الكحل فى كيس مكياج فى التلاجة و نخرجه قبل الاستعمال بخمس دقايق , وخصوصا فى الصيف .
عدم ثبات المكياج
عشان يثبت مكياج العين لازم نحط اساس زى الكونسيلر تحت وفوق العين علطول , وده علشان يخفى اى عروق او احمرار او ارهاق , وبعديه نحط كريم اساس بنفس لون الجلد , او بنكتفى بلمسة بودرة فوق الكونسيلر من غير ماتحطى كريم اساس , و بالطريقة دى يثبت الكحل و الآىشادو و الآىلاينر .
سواد الآى شادو تحت العين
و ده بييجى عن طريق الشادو الاسود اللى حطتيه فوق العين , فانصحك بوضع بودرة سائلة كتير تحت العين , و عدم توزيعها الا بعد ماتنتهى من وضع مكياج العين بالكامل .
طبع الآىشادو فوق الجفن: لازم تستخدمى نوع كويس لفرش مكياج شادو العين و ياريت تكون مش عريضة , ولمّا تيجى تحطى الشادو تحطيه الفرشاة فىاللون فى العلبة و بعدين تنفخيها عشان الزيادة تروح منها , وبعدين تحطيها على عينيكى , و عشان تحطى اضاءة تحت الحاجب و عايزاها تثبت معاكى استعملى فرشة شعر مش اسفنج .
اشكال العيون: عين مستديرة -عين مسحوبة-عين واسعة-عين ضيقة-عين جاحظة
و في كمان الوان العين مختلفة زى الاسود و الاخضر و الازرق و العسلى و البنى الغامق
و طبعا بيفرق فى طريقة وضع المكياج من عين للتانية , و بالرغم من كل ده , فى بنات بتغير لون عينيها بالعدسات الاصقة المنتشره بشكل كبير بمنتهى السهولة , لكن طبعا مفيش احسن من الطبيعى .
و دايما لون العين مرتبط بلون الحاجب و لون البشرة , و لانها اهم مكان فى الوش كله فبتبقى مراية و موضع جذب لكل بنت .
فبالتالى انا بنصح كل البنات انهم يهتموا جدا بانهم يظهروا جمال عينيهم عن طريق وضعهم للالوان الشيك فى الوقت و المكان المناسب .
العين المستديره زى عين الفنانة غادة عادل
عادة بيكون الحاجب بتاعها قصير و تظهر العين بشكل عين حائرة وبتتحرك و بتلف فى كل مكان , و هنا لازم نسحب العين لبرة بقلم الكحل و نحط الاىلاينر فوق خط الرموش علي طول لحد آخر العين , وكمان نستخدم ماسكرا بتطول الرموش و نحط قلم يطول الحاجب .
اما الالوان اللى نستخدمها فلازم تكون غامقة زى الاسود والبنى فوق الجفن علطول فى خط مستقيم و توزيع درجات افتح تحت منطقة الحاجب .
العين المسحوبة زى عين الفنانة اصالة
العين دى بتبقى مسحوبة و ضيقة , وتحسى انها عين نايمة شوية , وبتدى احساس بالغموض , بنحط معاها الوان غامقة تحت الرموش السفلية خط تخين مثلا , زى البنى و الازرق والموف الغامق , اما الاسود بيتحط من جوة العين بس , وكمان بنزود زاوية العين بالآىلاينلر و القلم الاسود عشان يرسم العين لبرة و يخفى سحبتها .
و بنحط ماسكرا كثافة عالية عشان تفتح شكل العين , اما الاوان الشادو فبتبقى غامقة فوق الرموش و بتتدرج زى الاورانج و البيج والاوكسوديه و الذهبى .
العين الواسعةزى الفنانة منى زكى
و هى دى اجمل عيون , جريئة , بتضحك , جذابة , عيون تنور الوش كله . و دايما صاحبة اجمل حواجب تقيلة و عريضة وكمان جفن كبير فى مساحة يترسم فيها اى شادو كتير كل الالوان و الرسومات ,
زى شكل السمكة المسحوبة والسموكى بالاسود والآىلاينر و كمان ممكن نعمل رسمة بالاقلام الملونة زى الاخضر و الازرق من فوق و من تحت , و لازم نحط ماسكرا تكثيف و تطويل مع بعض لونها اسود مينفعش تكون الوان عشان مش هتبان مع العين الواسعة .
العين الضيقةزى الفنانة ياسمين عبد العزيز
والعين دى من اصعب العيون فى المكياج لانها مينفعش معاها رسومات كتير , لازم تكون رسمة بسيطة وبتحتاج مجهود كبير عشان تظهرها , اما الوان الآىشادو فلازم نحطلها الوان فاتحة زى الروز والبيج والبيستاج , و نحط كمان خط آىلاينر او قلم اسود من فوق العين عشان توسعها . اما الماسكرا فلازم يبقوا اتنين واحدة تكثف و واحدة تطول عشان توسع وتبين شكل العين حلوة .
العين الجاحظة زى الفنانة نبيلة عبيد
والعين دى جفنها صغير لكن المساحة فوقيه كبيرة , و تكون العين طالعة لبرة شوية , و بتحتاج لدقة فى رسمتها و مينفعش اى قلم من تحت العين , ينفع بس من جوة العين قلم اسود و نحطه كمان من تحت الرموش اللى فوق عشان يضيق العين شوية والبروز اللى فيها , ونستعمل ماسكرا للتطويل فقط , ونسحب الآىلاينر من آخر العين لبرة لتخفيف وسعها , اما الآىشادو نستخدم كل الالوان الغامقة بخط تخين و واضح فوق الرموش علطول و باقى الجفن الوان فاتحة
نصايح عامة
حاولى فى فترة الصبح و إنتى بتبصى فى المرايا يكون شكل عينيكى هادى , و خصوصا لو كنتى بتشتغلى أو بتروحى الجامعة ,
فمثلا مفيش داعى إنك تحطى قلم كحل أسود أو ماسكرا قوية أو تحطى ألوان آى شادو صارخة و جامدة .خاللى دايما وشك مشرق , حطى الألوان الهادية فى الشفايف
زى الجلوس اللايت و بلاش ألوان روج , و فى الخد حطى ألوان أحمر خدود من غير جليتر أو لمعة واضحة , و لكن ميلى للألوان المت اللى مش بتلمع حتى لو ماكانتش موضة , لأن مش كل موضة تناسبناكبنات مصريات فى مجتمعنا الشرقى .
كونى متألقة ليلا , فمثلا لو كان عندك سهرة أو عزومة فى مناسبة لازم يكون شكلك مختلف فى المكياج , إستخدمى كل ما يبرز جمال وشك وعينيكى و مفيش مشكلة لو زودتى المكياج شوية .
مرايتك النفسية
فى ناس بيقولوا إن ألوان العين بتوضح شخصيتك و ستايلك , يعنى مثلا لون العين الخضرا او الزرقا بتحب بتحط مكياج كتير و واضح , أما لون العين البنى او العسلى فبتحب المكياج الخفيف والهادى , وطبعا الكلام ده مش حقيقى لأن نظرة العين هى اللى بتقول إنتى مين , فخدى بالك لأن الناس ممكن تعرف إنتى مين من طريقة نظرتك للأشياء أو الأشخاص , فكونى دايما حذرة لأن عينيكى هى مرايتك النفسية أدام الناس.
الاهتمام بصحة العين
للأسف كل البنات بتهمل منطقة العين و بتنسى تهتم بيها نهائيا وده بيؤدى لظهور التجاعيد بدرى بداية من سن 26 و أكتر .
فأنا بنصحك لو رسمتى عينيكى و عايزة تشيلى منها الماسكرا والكحل استعملى مزيل مكياج ضد الحساسية , حتى لو حاطه مكياج تقيل هيتمسح معاكى بمنتهى النعومة , و ممكن تلاقيه فى الصيدليات الكبيرة أو المحلات المتخصصة فى بيع المكياج و الكريمات.
حاولى تعملى عملية ترطيب دورية بسيطة لعينيك , بعد إجهاد يوم طويل و كنتى حاطة مكياج طول النهار , زى زيت اللوز ,كمادات الشاى, شرايح الخيار أو البطاطس , حوالى مرتين فى الاسبوع وكل ده بيساعد على تلطيف منطقة تحت العين , و بيخلى دايما المكياج علي البشرة يظهر فى أجمل صورة.
خاللى بالك من طريقة توزيع أى مكياج للعين زى الكونسيلر(مصحح زى كريم الاساس) أو وضع القلم , لازم تكون بطريقة معينة باتجاه واحد ومن غير ماتشدى الجفن لبره عشان ترسمى القلم , أما الكونسيلر فلازم تحطيه على إيدك الأول و بعدين على محيط العين و إفرديه من جوه العين لبره.
استعملى الكونسيلر تحت العين بشكل يومى , حتى من غير ما تحطى مكياج كامل و ده عشان يدى إضاءة عين و يخفى أى ارهاق
موجود فيها , و لازم يكون من الانواع الجيدة عشان دى منطقة حساسة جدا زى مانتى عارفة , وبتتاثر بأى حاجة , وكمان لما تيجى تشترى أى مستحضرات تجميل يفضل تجربيها على وشك علطول مش علىايدك .
ادوات المكياج الاساسية
عشان تكملى جمالك اكيد كل واحدة فينا عندها فرش و ادوات للمكياج و مش بتعرف تستخدمها , انا حقولك على الفرش الاساسية وانتى هاتى اللى ناقصك و ماتكونش عندك :
· سفنجة كريم اساس
· بدّارة بودرة
· فرشاة كبيرة احمر خدود
· فرشاة صغيرة الروج
· فرشاة بسفنجة صغيرة الآى شادو
· فرشاة تسريح الحواجب
· فرشاة صغيرة مخصصة لوضع البودر فى الحواجب
انواع مكياج العين
الآى شادو
انواع من الآى شادو او ظل الجفون مختلفة زى (البودر و المضغوط)
و الجليتر (الجل و البودر ) و الكريمى و المائى .
بالنسبة الآى شادو للبودر و المضغوط الاثنين ممكن يتحطوا على العين من غير ما نحط كريم اساس ولا بودر تحتيه , و ده بيبقى اسهل نوع فيهم وممكن يستعمل الصبح و بالليل , و موجود فى جميع الماركات , بس احسن الانواع فلوريل و بوبا و بورجوا
اما الآىشادو الجليتر بيكون عبارة عن حبيبات بتلمع بتتحط علي الآىشادو الماط عشان
تدى لمعة قوية على العين او الروج , وطبعا اللوك ده مينفعش فى النهار لازم يكون بالليل و فى سهرة , و موجود فى ماركة فلوريل و بيير كاردان و كريولان و بوبا .
اما الآىشادو الكريمى ممكن تحطيه على الجفن علطول من غير اساس او شادو و سهل الاستعمال وكمان بيكون خفيف ولايت , و هتلاقيه موجود فى ماركة مافالا و فلوريل .
الآى شادو المائى بيبقى عبارة عن آى شادو كريمى و بيتحط عليه نقطين ميه و بفرشاة صغيرة نحط اللون فوق الجفن او تحت الحاجب , وفيه منه الوان كتير . و موجود فى ماركة كريولان .
قلم الكحل
اقلام العين مختلفة فى منها الخشب التخين والرفيع و معاه البرايه بتاعته , وكمان البلاستيك اللى بيلف عشان يطلع من الانبوبة ,
و قلم الكحل بيستعمل جوه و برة العين و بيكون الوانه مختلفة زى الاسود و الاخضر و الازرق و الموف و ده موجود فى ماركة فلوريل .
الماسكرا
الماسكرا لازم تستخدميها باستمرار كل مرة هتحطى فيها مكياج , عشان كدة لازم تكون ماسكرا حلوة , وفى منها نوعين نوع للتطويل و نوع للتكثيف و كمان فى منها اللى ضد الماء و بتثبت جدا .
واحسن الانواع هتلاقيها فى ماركة ريميل و ميلانى و مدينة و فلوريل .
واللى رموشها ثقيلة و قصيرة تستعمل ماسكرا للتطويل ,
واللى رموشها طويلة وخفيفة تستخدم ماسكرا للتكثيف .
الآى لاينر
الآى لاينر بيظهر شكل العين حلو جدا و بالذات العين الصغيرة عشان بيوسعها اكتر , و بيتحط على الجفن فوق خط الرموش وتحت الجفن السفلى بشكل واضح , اما العين الواسعة فبيتحط من فوق العين فقط , وبيستعمل كمان فى رسمة السموكى لانه بيثبت الرسمة
جدا على العين لمدة طويلة , وفى منه الاسود والاخضر الغامق والكحلى و الموف الغامق وهتلاقيه فى كل الماركات تقريبا زى فلوريل و سارة و مافالا .
قلم الحواجب
كمان قلم الحواجب او البودر المخصصة للحواجب بالالوان الاساسية
زى البنى الفاتح والغامق او الاسود بتكمل شكل العين و الوش كله ولازم الحاجب يكون مرتبط بلون العين و الشعر و البشرة , يعنى مثلا بنت بشرتها بيضا ولون عينيها فاتحة يكون لون حواجبها بنى فاتح ,
واللى بشرتها خمرية زى معظم البنات المصرية تكون حواجبها غامقة , اما اللى لون بشرتها بيميل للسمار فبنفضل لون الحواجب يكون بنى غامق او اسود , وممكن تلاقى الاقلام فى ماركة بورجوا و مافالا و فلوريل و جوردانا .
و فى معلومة يمكن كلنا بنسمع عنها وهى ان القلم بيوقع شعر الحواجب و الكلام ده مش صحيح و الا ماكانتش الشركات العالمية زى ايف سان لوران و كريستيان ديور و تعمل اقلام مخصصة للحواجب , لكن احنا لازم نستعمل القلم بطريقة الورب او الجنب جوه شعر الحاجب , و نسرح بالفرشاة اللى فى نهاية القلم ونسيح بها اللون .
اما بالنسبة لبودر الحواجب ففى منها نوعين بودر عادى و مائى , و الاسهل ليكى هى البودر العادى عشان بتتحط زى الآىشادو بفرشاة صغيرة مخصصة للحواجب , لكن البودر المائى لازم متخصصين فى التجميل لانها محتاجة دقة و خبرة .
مشاكل مكياج العين: من اهم مشاكل اللى بتقابل البنت وهى بتحط مكياج العين :
عدم ثبات الكحل
و ده راجع ان اختيارنا الغلط لقلم الكحل , لازم نستعمل نوع فى الصيف و نوع فى الشتاء , لان سخونة الجو تستدعى استعمال كحل ضد الماء , اما فى الشتاء فلازم يبقى الكحل ملمسه طرى و ناعم على العين , وفى معلومة خاطئة بتقول ان لو سخنت قلم الكحل قبل الاستعمال يثبت جدا , وده غلط لانه بيسيح اكتر , بل يستحسن ان احنا نحط اقلام الكحل فى كيس مكياج فى التلاجة و نخرجه قبل الاستعمال بخمس دقايق , وخصوصا فى الصيف .
عدم ثبات المكياج
عشان يثبت مكياج العين لازم نحط اساس زى الكونسيلر تحت وفوق العين علطول , وده علشان يخفى اى عروق او احمرار او ارهاق , وبعديه نحط كريم اساس بنفس لون الجلد , او بنكتفى بلمسة بودرة فوق الكونسيلر من غير ماتحطى كريم اساس , و بالطريقة دى يثبت الكحل و الآىشادو و الآىلاينر .
سواد الآى شادو تحت العين
و ده بييجى عن طريق الشادو الاسود اللى حطتيه فوق العين , فانصحك بوضع بودرة سائلة كتير تحت العين , و عدم توزيعها الا بعد ماتنتهى من وضع مكياج العين بالكامل .
طبع الآىشادو فوق الجفن: لازم تستخدمى نوع كويس لفرش مكياج شادو العين و ياريت تكون مش عريضة , ولمّا تيجى تحطى الشادو تحطيه الفرشاة فىاللون فى العلبة و بعدين تنفخيها عشان الزيادة تروح منها , وبعدين تحطيها على عينيكى , و عشان تحطى اضاءة تحت الحاجب و عايزاها تثبت معاكى استعملى فرشة شعر مش اسفنج .
اشكال العيون: عين مستديرة -عين مسحوبة-عين واسعة-عين ضيقة-عين جاحظة
و في كمان الوان العين مختلفة زى الاسود و الاخضر و الازرق و العسلى و البنى الغامق
و طبعا بيفرق فى طريقة وضع المكياج من عين للتانية , و بالرغم من كل ده , فى بنات بتغير لون عينيها بالعدسات الاصقة المنتشره بشكل كبير بمنتهى السهولة , لكن طبعا مفيش احسن من الطبيعى .
و دايما لون العين مرتبط بلون الحاجب و لون البشرة , و لانها اهم مكان فى الوش كله فبتبقى مراية و موضع جذب لكل بنت .
فبالتالى انا بنصح كل البنات انهم يهتموا جدا بانهم يظهروا جمال عينيهم عن طريق وضعهم للالوان الشيك فى الوقت و المكان المناسب .
العين المستديره زى عين الفنانة غادة عادل
عادة بيكون الحاجب بتاعها قصير و تظهر العين بشكل عين حائرة وبتتحرك و بتلف فى كل مكان , و هنا لازم نسحب العين لبرة بقلم الكحل و نحط الاىلاينر فوق خط الرموش علي طول لحد آخر العين , وكمان نستخدم ماسكرا بتطول الرموش و نحط قلم يطول الحاجب .
اما الالوان اللى نستخدمها فلازم تكون غامقة زى الاسود والبنى فوق الجفن علطول فى خط مستقيم و توزيع درجات افتح تحت منطقة الحاجب .
العين المسحوبة زى عين الفنانة اصالة
العين دى بتبقى مسحوبة و ضيقة , وتحسى انها عين نايمة شوية , وبتدى احساس بالغموض , بنحط معاها الوان غامقة تحت الرموش السفلية خط تخين مثلا , زى البنى و الازرق والموف الغامق , اما الاسود بيتحط من جوة العين بس , وكمان بنزود زاوية العين بالآىلاينلر و القلم الاسود عشان يرسم العين لبرة و يخفى سحبتها .
و بنحط ماسكرا كثافة عالية عشان تفتح شكل العين , اما الاوان الشادو فبتبقى غامقة فوق الرموش و بتتدرج زى الاورانج و البيج والاوكسوديه و الذهبى .
العين الواسعةزى الفنانة منى زكى
و هى دى اجمل عيون , جريئة , بتضحك , جذابة , عيون تنور الوش كله . و دايما صاحبة اجمل حواجب تقيلة و عريضة وكمان جفن كبير فى مساحة يترسم فيها اى شادو كتير كل الالوان و الرسومات ,
زى شكل السمكة المسحوبة والسموكى بالاسود والآىلاينر و كمان ممكن نعمل رسمة بالاقلام الملونة زى الاخضر و الازرق من فوق و من تحت , و لازم نحط ماسكرا تكثيف و تطويل مع بعض لونها اسود مينفعش تكون الوان عشان مش هتبان مع العين الواسعة .
العين الضيقةزى الفنانة ياسمين عبد العزيز
والعين دى من اصعب العيون فى المكياج لانها مينفعش معاها رسومات كتير , لازم تكون رسمة بسيطة وبتحتاج مجهود كبير عشان تظهرها , اما الوان الآىشادو فلازم نحطلها الوان فاتحة زى الروز والبيج والبيستاج , و نحط كمان خط آىلاينر او قلم اسود من فوق العين عشان توسعها . اما الماسكرا فلازم يبقوا اتنين واحدة تكثف و واحدة تطول عشان توسع وتبين شكل العين حلوة .
العين الجاحظة زى الفنانة نبيلة عبيد
والعين دى جفنها صغير لكن المساحة فوقيه كبيرة , و تكون العين طالعة لبرة شوية , و بتحتاج لدقة فى رسمتها و مينفعش اى قلم من تحت العين , ينفع بس من جوة العين قلم اسود و نحطه كمان من تحت الرموش اللى فوق عشان يضيق العين شوية والبروز اللى فيها , ونستعمل ماسكرا للتطويل فقط , ونسحب الآىلاينر من آخر العين لبرة لتخفيف وسعها , اما الآىشادو نستخدم كل الالوان الغامقة بخط تخين و واضح فوق الرموش علطول و باقى الجفن الوان فاتحة
