حط يدك فوق هالقلب

[علمتني الحياة]

كنت اقــول ان ضاقــت الــدنيا توســع
وأتسأل ليه ضاقت في عيوني هالوسيعه

لين شفت الخافق اللي حب من جد وتولع
يحرقه وقته وصارت ايامه حزينه

منحرف حظي وأعرفه طول عمره ماتسنع
[ من عرفت الشوق قاسي والهوى هذا صنيعه ]

ياحياتي حط يدك فوق هالقلب وتسمع
بس لا تسأل دخيلك ليه دقاته سريعه

يوم شفتك داخل عيوني نما حب وتربع
يوم شفتك والحياه القاسيه صارت بديعه

كيف اعيش وبعدك انفاسي بها موتي تمتع
كيف واحلامي غدت دونك كوابيس شنيعه

والحزن آآآه يآلحزن فيني به الخافق تشبع
ليه حملني تناهيد وحمل مآلآ أستطيعه

آآهـ من قلبي وأنا اشوفه مع الوقت إيتقطع
يـأمر عيوني تهل الدمع وعيوني تطيعه

انت حبــــك غير كل الحب لو ربعه توزع
كل واحد ماعشق قلبه يبي يصبح صريعه

عاد تدري لو هوى كل الخلايق لك تجمع
مايجي ذره من احساسي مدام انك شفيعه

يازماني دامني ماأقوى على عنادك تشجع
وارسم جروحي وانا بشكي على رب الشريعه

يالله اني طاالبك من قلب صادق ويتضرع
لايجي بيني وبينه كره واحزان وقطيعه

ياالله اني طااالبك وان ضاقت الدنيا توسع
لين تفرج والحيـــاة تصير بوجوده وسيعه

 

[ابوس راسك يازمن]

المبدعه دوماً
بوحٌ من احساس صادق
دمتِ ودام احساسك​

 

[ĵúMåЙắ is verified member.ĵúMåЙắ]

ياحياتي حط يدك فوق هالقلب وتسمع
بس لا تسأل دخيلك ليه دقاته سريعه

كلمات رائعة واحساس اروع
كل الشكر لك ِ ايتها المبدعة علمتني الحياة ..
دائما ً متألقة في اختيار مواضيعك
لك ِ كل المحبة ..
​

 

[مہجہرد إنہسہآن is verified member.مہجہرد إنہسہآن]

بس لا تسأل دخيلك ليه دقاته سريعه

رائع ام برهوم

 

[علمتني الحياة]

يالله اني طاالبك من قلب صادق ويتضرع
لايجي بيني وبينه كره واحزان وقطيعه

 

[شروقـ♥̨̥̬̩ is verified member.شروقـ♥̨̥̬̩]

والحزن آآآه يآلحزن فيني به الخافق تشبع
ليه حملني تناهيد وحمل مآلآ أستطيعه