من بعدي يمرك فالعيون رقاد

[نسيم الصباح]

يشب الشعر : في شمع السوالف ليلة الميلاد
................. سوالف ليل : مايدري من اخرها وش اولها ​

وتطفي شمعة عيونه بقايا حفلة الاسهاد
................ ينام وداخله [ لجة ] وجيهً ماتحملها​

يبات الحزن في وجه الصغير : ويكره الأصفاد
...................... تعب هذه الآمال اللي سنين ومات خايلها .. !!​

يشوش الفكر : في امجاد السوالف وينها الامجاد
..................... سوى باقي الطعون اللي تشوش وماتخيلها​

دهر هذي الدروب اللي : تودينا بلا ميعاد
.................... نقيض الضحك في وجه العباد وصار يجهلها​

تخيل : قد ماشاف بعيونه : فرحة الأعياد
................... يمر العيد : والفرحه تموت بـ قلب شايلها​

انا من شفت عٌباد العذارى للجمال عباد
................... كرهت الناس وعيون القصيد يزوم زاملها​

وانا من شفت في خلف الستاير زمرة الأحقاد
................. كرهت الحقد وضغون الضماير مات حاملها​

بـ أودع باقي احلام الشفوف وطاري الأوغاد
.................. مادام النفس في درب المشين يجوب خاملها​

عبث هذي السنين اللي تطش الهم والأجواد
............... تعاني قسوة سنين الزمان / وضاق عاقلها​

نطش احلامنا فوق الرصيف الممتلي بـ أوتاد
................. تسمرنا غصب تحت الظلام وناح بلبلها​

ونسمع خشخشة ذكرى تٌضيق بالشعور أبعاد
................. وتنهيد الفرح : مر العيون وجيت تختلها ​

وخلف ظلوعنا صوت الفحيح : وسمها يزداد
................ ويجري السم في وسط العروق الي تبللها ​

شبعنا : من القهر كافي وش اللي في يدينا عاد
.................... مناديل العمر ملت توسل لاتطولها​

خلاص الوقت ماقصر : وكملت العتاد عتاد
................. عبث تزرع لنا اشواك الطريق ولا تأملها​

سكٌك : وأمكنة شوفك : وصوتك والغرور عناد
.................. ضمورك والغلا : شح الحنين اللي يكملها​

الا ليت الشعر يبقى ضمادي لا لقيت ضماد
....................... عشان اضمد جروح السنين اللي مهملها​

يموت الغصن من هجر السواقي والورود تباد
................... وانا نفس الغصون اللي نويت اليوم تقتلها​

صهيل الوقت : عثرات الأماني والطموح جياد
................... حواجز والدروب اللي تسمرني : أناملها ​

انا بسألك : من بعدي يمرك فـ العيون رقاد
................... لاني والسهد رفقة سنين : وصرت ثاملها​

تقول الوقت مايقدر يطفي وجدنا الوقاد
................... وانا بقول ياليتك : ياليتك منت قايلها ​

شمعة الوجد : في أول لقاك واخرك بـ رماد
.................. فتلت الحبل من يد الأسير ورحت تعقلها​

مواعيد المساء / تبقى تذكر شرفتي بـ جهاد
................ تمر الروح : في ذكرى السنين ولا تجملها​

وصيور الخطا نفس العطا : وانفاسنا تنهاد
.................. من اولها لـ اخرها من أصعبها لـ أسهلها ​

تشوف الحزن ماقصر ودمعي صايراً وراد
............... ينزلها وانا امسحها ولكن ، غصب نزلها .. !!​

ابد نفس الوجيه اللي تمرك لو تشوف جداد
............... تبي تلقا تجاعيد السنين اللي تفصلها .. !!​

وتلويح اليدين اللي تناديني في كل بلاد
................... انا ذيك اليدين اللي : سما / هالغيم يدهلها​

 

[زهر الياسمين]

تسلم على موضوعك الرائع يا نسيم الصباح...

 

[نسيم الصباح]

وتسلمي على مرورك الاروع غاليتي
احترامي
​

 

[๗ஜĵúMåЙắஜ๗]

كلمات رائعة .. لا بل فاقت الروعة
وراقت لي بقوة ..
كل الشكر على الإبداعات المتواصلة
تحياتي لك ِ ..
​

 

[نسيم الصباح]

ان دل هذا فهو يدل على حسن الذوق
كل الشكر لك دائما على مرورك المميزغاليتي
مودتي
​