ليه الزعل

[نسيم الصباح]

ايقول زعلان ولا يسال انا شفيني
وش غير الغالي وش اللي بدل احواله

بالامس ولهان واشواقه تناديني
واليوم يبعد وش اللي شاغل باله

شللي جراله امد ايدي ويجفيني
يرضيه جرحي تشوفه كل عذاله

ضيعت عمري مع احلامي مع سنيني
واليوم جاي اتقول كلن على حاله

ماني بخاين حفظت عهودك بعيني
وحفظت قلبك وانا اللي بس هو شاله

وان كان ودك حبيبي ما تحاكيني
ممكن توضح وش اللي خاطرك جاله

وان كان ودك بغيري حط عينك بعيني
بنظر عيونك انا واكشف كل افعاله

يا سيدي ما عاد شي اه يبكيني
دامك تماديت ونسيت الحب وصاله

ابعذرك واخلي العيب هو فيني
دامك نسيت الود ومشيت بالقاله

وبقولها لك اسمع يا نظر عيني
الحب باقي وجميع الناس رحاله

وان كان جت عالزعل مافيني يكفيني
ازعل مدامك تجيد الزعل باشكاله

مغرور ثم مغرور بس ماطحت من عيني
لانك حبيبي اللي له الروح مياله

ازعل براضيك من قلبي الى عيني
فديت قلبك وعينك بكل احواله

بس لا تطول بالزعل وماتحس فيني
بموت ساعتها من الشوق وافعاله ​

 

[احمد الصرايره]

جميل ما نقلته لنا إلك مني

كل الشكر على الطرح المميز

و الرائع​

​

 

[ĵúMåЙắ is verified member.ĵúMåЙắ]

ازعل براضيك من قلبي الى عيني
فديت قلبك وعينك بكل احواله

بس لا تطول بالزعل وماتحس فيني
بموت ساعتها من الشوق وافعاله

كلمات مميزة وراقت لي كثيرا ً..
أشكرك غاليتي على الطرح الأكثر من رائع ..
بإنتظار المزيد والمزيد ^_^
محبتي ..
​

 

[نسيم الصباح]

يسلمووو جمانا على مرورك الراقي
كل الشكر
​