مساء الخيرعالجميع اتمنى تكونو باحسن حال ودي اطرح مشكلتي عليكم ...انا متزوجه لي سنه وكم شهرمن شخص يقرب لي ويحبني الحمد الله وهو انسان مثقف وفاهم ويخاف الله بس اللي صار امس جرحني وقهرني كثييييييييير عن جد انصدمت..امس الظهر هو في الدوام فتحت الاب توب ابي شغله لقيت صفحته الي بلفيس بوك مفتوحه نسى يسكرها عادي ما هتميت للموضوع وكنت بسكر الصفحه شفت في مربع صغير للمحادثه واشوف زوجي يسولف مع وحده طبعا في الدوام عندهم نت وهويسولف عن طريق الجوال وانا اشوف المحادثه سواليف عاديه لمى خلصو هو راح على شغله وهي مادري عنها المهم جلست اعيد المحادثات من اول ...يابنات يقولها ياعسل ياقمر ليييييه بموووووووت طبعا جلست مده افكر وش اسوي مومصدقه اللي شفته جلست استغفر وادعي الله انه ينصرني ويقويني لاني لو اتكلم معه وانا مقهوره ببكي ومابيه يحس اني ضعيفه المهم قمت طبخت الغدا ولبست وكشخت دخل زوجي البيت عادي استقبلته ببرود وهوعلى طول حس سالني شفيك وانا ابي احرق اعصابه مافيني شي وهو مصر ويحلف شفيك قلت له تعبانه شوي مومصدقني راح يبدل ورجع عشان يتغدى جلسنا للغدا وهو يناظر فيني علميني شفيك اهلك فيهم شي قلت لا الحمد الله قال موضوع يخصك قلت لا ..قال يخصني قلت ايه شوي تغير وجهه قام يبلع بريقه ويقول وشو قولي ..قلت له انت ما عندك شي ودك تعلمني به موضوع مخبيه عني طبعا انكر وقال لا وانا انتفض واحاول امسك اعصابي .قلت له من كنت تسولف معه وقت البريك هنا عاااد تقلبت عيونه وانصدم ابتسم ابتسامه صفرا وقال شفتي المحادثه قلت ايه شفتها قال طيب ليش ما اتصلتي علي تهزئيني قلت ليش اهزء رجال عاقل عارف الحلال والحرام بكيفك شي راجع لك انا ما همني قال والله ما اعرفها سويت لها اضافه على انها رجال قلت طيب اتضح لك انها بنت احذفها وترى اللي سويتها حرام انت خنت الله قبل ماتخوني قال لاتكبرين الموضوع بس اقطع وقت وما في بينا شي واصلا مستحيل احد ياخذني منك قلت في شغلات يقدر الواحد يقطع وقته فبها غير الحرام وبعدين ليش ما تسولف مع اخوياك قال كلهم في اشغالهم قلت بكيفك بس لاتستغفلني مو لاني ما ادور وراك وكنت واثقه فيك تسوي فيني كذا انجن قال لا مو بكيفي والله اذا الشي هذا بيزعلك ماعداسويه تنشل ايدي ولا اسويها قلت براحتك تسولف مع وحده مع ميه مادام الموضوع تشوفه عادي شرايك انا بكره اقطع وقتي مع واحد اسولف معه سكت ماعرف شيقول وصار يعتذر ويتاسف ويحلف انه كان ناوي يقولي قلت له انا لو ما الله اراد انه يفضحك ونساك تسكر الصفحه كان استمريت صح قال والله ما بينا شي قلت حتى ولو ليه وش الفرق بينها وبين انك تكلمها تلفون قال لاتفكرين كذا قلت اسأل اي احد وشف وش بيقولك هذا صح وعادي ولا حرام ومصيبه طبعا يعتذر ويبوس راسي وايدي بس مو قادره يبنات احس بموت اذا هو يحبني سوى كذا وتونى مالنا سنتين مع بعض وهو كان بيموت لو ما تزوجني وهو بلسانه يقول انه مرتاح معي وموناقصه شي موعارفه ايش اسوي طبعا اقوم بواجباته كامله بس مو قادره اشوف وجهه ولا اجلس جنبه .....ماقلت لاحد من اهلي ولا افكر اقول لاحد بس لازم افضفض ومالقيت غيركم تساعدوني وتوعوني هل تصرفي صحيح وش لازم اسوي تكفون لاتبخلون علي برئيكم وتحملوني طولت السالفه طلعت اللي بقلبي كله
