مشتاقللك بالحيل من قلب مشتآق..

نسيم الصباح

نسيم الصباح







مشتاقلك بالحيل من قلب مشتاق
أشتقتلك بالله هون عليه​

والشوق نارن بين الاضلاع حراق
والنار شبت في ضلوعي شويه​

وين العواطف والمحبه والاشواق
والا الوعود الماضيه لأوليه​

البعد ماينطاق والقرب ترياق
ارجوك لاتبعد وخلك هّنيه​

يامن غديت اليوم فالقلب خفاق
ارفق على ميّت بحبك وحّيه​

من غيبتك ماارتاح بالي ولا راق
وما ذقت طعم النوم لحظه هنيه​

لاتفرح اللي ينتظر يوم الافراق
ونصير في حلوق العواذل قضيه​

بالله لا تبطي ترى الوقت سراق
والعمر فاني والليالي بقيه​

ياغاية امرادي ايا سيد الاذواق
تعال اخذني خل أيدك بديه​

من سبتك ضاقت عّلي كل الافاق
اليا متي نبقى على الحاله ذيه​

خليتني غرقان في بحر الارهاق
وضّيعت عنواني وشفت الاذيه​

تعال خلها ترتوي منك الارياق
وقلبن كواه الضيم تحييه ليه​

خلنا على وصل المحبه والاعناق
وانرجع ايامن مضت شاعريه​

خلنا علي روح الهوى قلب عشاق
لاخر حدود العشق نبقى سويه​

الحب ماهو سلعتن وسط الاسواق
حب الشرف مايدخله شك نيه​

مشتاقلك بالحيل والله مشتاق
ماتدري ان البعد عين المنيه​

من غيبتك بكتب على اوراق الاشواق
البعد سفاحن وأكبر بليه


وسلامتكم..​
 
يامن غديت اليوم فالقلب خفاق
 ارفق على ميّت بحبك وحّيه

رااائعة نسيم ..
كلمات فاقت الوصف ..
أبهرني ما نثرتي هنا من سحر وابداع ..
كلماتك راقت لي .. ولامست ما في القلب
أجمل تقييم لعيونك ^_^
​
 
يجب تسجيل الدخول أو التسجيل كي تتمكن من الرد هنا.
عودة
أعلى