مہجہرد إنہسہآن
طاقم الادارة
كل مامرت دقايق في غيابك والرحيل
استغيث بصوت عالي من عذابي ياعذاب
يوم غبتي عن عيوني مع وهج شمس الأصيل
مابقالي غير ظلما مع طيوفك واغتراب
اتشحتي لون ليلي وابتدى حملي ثقيل
لين مل الصبح مني واختفى مثل السراب
للأسف طعتي العواذل همهم حشو الفتيل
أشعلوا فينا حطبهم واختفوا مثل الشهاب
كنت أعاند في وصالك كل مجنون وهبيل
وكنت اخاطب كل بسمه من وسط ثغرك خطاب
وكنت اردد للعواذل ارحلوا خيلي أصيل
ماتغيرها القلوب اللي لها لون الغراب
وكنت أشوف بوقفتك جلمود ماحركه سيل
شامخة بأرض المحبة يحرسك ظل السحاب
مقبله لجل المحبة مدبره عن كل ميل
يالمُكِره للوصال ويالمفره للغياب
الليالي حولتنا من فرحها للعويل
وأغرقتنا في المآسي والسهر زاد المصاب
انفتح باب العواذل وابتدى الدرب الطويل
وارتحلتي في طريقك والصبر ملك وذاب
اعرف انك كل لحظه تسكبي دمعك هميل
واعرف انك كل ليله تكتبي فيني كتاب
واعرف انك لاسمعتي صوت يشبه للصهيل
ماذكرتي غير شعري في وصوفك والعتاب
واعرف انك لا لمحتي صورتي دمعك يسيل
تغرقين الجفن حسره وتلبسين الاكتئاب
للأسف أنتي هدمتي بيت في جسمٍ نحيل
كنت أحاول ارتفع به وارتفع بك للسحاب
للأسف أنتي فتحتي باب سموه الرحيل
بعد ماكنا نعيش وحولنا مليون باب
