على طاري صباح الورد وإسمك والحلا والـذوق

[أبو همام]

على طاري صباح الورد وإسمك والحلا والـذوق ...
ذكرتـك يااجمـل أحلامـي بقافـي واستهليـتــه ..

على درب القصيد أسوق قلبي والخطـاوي شـوق ...
وإذا مالت بـي الخطـوهـ علـى دربـك تنآسيتـه ...

يهز الشـوق بأعماقـي عناقيـد الغـرام عـذوق ...
ويقطف بالغلا فينـي غـرام(ن) خنـت وأخفيتـه ..

أحبك كثر ما يشعل غرامك في حشـاي حـروق ..
و شبٌه زود لو يحرق ضلوعي مـت مـا اطفيتـه ...

أحبك دمعت(ن) طاحت على خد الصباح اشـروق ..
يموت النور لو طاحـت علـى كفـي وضميتـه ..

أحبك إيه أحب إسمك وأمـوت بجيـدك المنتـوق ...
و تخيل كثر مـا أكـره صـدودكـ قمـت حبيتـه ...

تموت من البطا غيمه طعنها مـن جفـاك بـروق ..
وغشى روض الحشا وسمي جفافك وإنت ما ارويته ..

رحلت وما بقى منك سواك إنت و عنا مفهـوق ...
عنـا ذاك الربيـع اللـي عشانـي مـا تمنيـتــه ..

تعالـ إجرح على كيفك تربع واستحـل عـروق ..
تدلـل والبسـاط أحمـد وأنـا لرضـاك مديتـه ..

قم إسهج لآخر ضلوعـي تغلغـل داخلـي برفـوق ...
حلالك ما بقى منـي مـع اللـي لأجلـك أفنيتـه ...

من اللي من غديت أجمل قصيدة ما غـدا لـه ذوق ...
ومن اللي كتـب باسمـك قصيـده وانكسـر بيتـه ...

دخيل الدمعتين اللي, غدت منهـا الخـدود شقـوق ...
ترفق سامحك ربي علـى قلـب(ن) لـك أهديتـه ..

إذا لك حق في قلبي , فأنا لي فـي غـلاك حقـوق ..
و حقوق الشوق محفوظـة وحـدي مـا تعديتـه ..​

 

[๗ஜĵúMåЙắஜ๗]

رآقني جدا مآ وجدت هنآ ..

مميز بكل مآ تنتقي لنآ من موآضيع مميزة ومتألقة ..~

لا عدمنآ هالذآئقة اخوي محمد .. :2 (194):
​

 

[أبو همام]

هاذ من لطفك يا منبع الذووووق
ربي يسعدكِ ويخليكِ يا غاليه

 

[أبو همام]

على طاري صباح الورد وإسمك والحلا والـذوق